ဇူလိုင် ၁၉။ ၂၀၂၅။
ပဲခူးတိုင်းအနောက်ခြမ်း၊ ပြည်ခရိုင်၊ ပန်းတောင်းမြို့နယ်၊ ဥသျှစ်ပင် နယ်မှာ အသက်မပြည့်တဲ့ သမီးအရင်းကို ဖခင်ဖြစ်သူက အကြိမ်ကြိမ်အဓမ္မပြုကျင့်မှု ဖြစ်ပွားခဲ့တယ်လို့ စစ်ကောင်စီချန်နယ်တွေက သတင်းထုတ်ပြန်ပါတယ်။
ဥသျှစ်ပင်မြို့၊ ရွှေပင်ရပ်ကွက်၊ မှာနေထိုင်တဲ့ မ—– (၁၅ နှစ်ကျော်) အား အရက်သေစာသောက်စားမူးယစ်နေတဲ့ ဖခင်–(၅၅ နှစ်) ဖြစ်သူ က ဇူလိုင်လ ၁၄ ရက်နေ့ နေ့လည် ၁၁ နာရီခန့်မှာ သားမယားအဖြစ်(၂) ကြိမ် ပြုကျင့်ခဲ့တယ်လို့ သိရပါတယ်။
အဲဒီဖြစ်စဉ်ကို ကျူးလွန်ခံရသူ၏ အမဖြစ်သူက တရားလိုပြုလုပ်ကာ ဖခင်ဖြစ်သူကို ဇူလိုင်လ ၁၈ ရက်နေ့ ညနေ ၅ နာရီခန့်က ဥသျှစ်ပင်နယ်မြေရဲစခန်းမှာ အမှုဖွင့်တိုင်တန်းခဲ့တယ်လို့ ဆိုပါတယ်။
တရားလိုပြုလုပ်တိုင်တန်းခဲဲ့သူ မ–ဟာ ဇူလိုင်လ ၁၄ ရက်နေ့ က ရတနာပုံရပ်ကွက်မှာ ပန်းရံအလုပ်လုပ်ကိုင်နေတဲ့ ခင်ပွန်းဖြစ်သူကို ထမင်းပို့ပြီးအပြန် ညီမဖြစ်သူ(ကျူးလွန်ခံရသူ) က ပြောပြခဲ့တဲ့အတွက် အခုလို အမှုဖွင့်ခဲ့တာလို့ ဆိုပါတယ်။
အလားတူ လွန်ခဲ့တဲ့ (၂) လခန့်ကလည်း ရန်ကုန်မြို့ကို သွားရောက်လည်ပတ်ကြချိန်ကလည်း ဖခင်ဖြစ်သူဟာ မ—ကို သားမယားအဖြစ် အကြိမ်ကြိမ်ပြုကျင့်ပြီး အရက်နဲ့ ကေသီပန်ကို တိုက်ခဲ့သေးတယ်လို့ သိရပါတယ်။
ဖြစ်စဉ်နဲ့ပတ်သက်ပြီး အလိုမတူဘဲ အဓမ္မပြုကျင့်သူ ဖခင်ကို (ပ)၇၃/၂၀၂၅ ရာဇသတ်ကြီးပုဒ်မ-၃၇၆ နဲ့ အမှုဖွင့်ဖမ်းဆီးဆောင်ရွက်နေတယ်လို့ သိရပါတယ်။
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
YouTube- https://www.youtube.com/(YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ်)
Website- https://dohpyay.com/
Telegram- t.me/dohpyay
Tiktok- https://www.tiktok.com/@dohpyay
