နိုဝင်ဘာ ၂၄၊ ၂၀၂၅။
ပဲခူးတိုင်းအနောက်ခြမ်း၊ သာယာဝတီခရိုင်၊ ကြို့ပင်ကောက်မြို့နယ်၊ သဲကုန်း လုံခြုံရေးဂိတ်မှာ နိုဝင်ဘာ ၂၃ ရက်နေ့ နံနက် ၁၀ နာရီက ပစ်ခတ်ခံရလို့ စစ်ကော်မရှင်တပ်ဖွဲ့တွေ ပစ်ခတ်ခံရလို့ သေဆုံးမှုတွေ ရှိခဲ့တယ်လို့ သိရပါတယ်။
ယမန်နေ့က ကြို့ပင်ကောက်မြို့ မှ ကျီစုဘက်အထွက် သဲကုန်း လုံခြုံရေးဂိတ်မှာ ပိတ်ဆို့စစ်ဆေးနေတဲ့ စစ်ကော်မရှင်တပ်ဖွဲ့တွေကို ဖောကားနဲ့ ရောက်ရှိလာတဲ့ တော်လှန်ရေးတပ်ဖွဲ့ဝင်(၁၅) ဦးခန့်က ပစ်ခတ်သွားတဲ့အတွက် ရဲ(၁) ဦး၊ ပြည်သူ့စစ်(၄) ဦး သေဆုံးခဲ့တယ်လို့ စစ်တပ်ထောက်ခံချန်နယ်တွေက ထုတ်ပြန်ထားပါတယ်။
“စစ်ခွေးတွေဘက်ကသေတာ မှန်ပါတယ်။ တိုက်ခိုက်ခဲ့တဲ့အဖွဲ့တွေက ထုတ်ပြန်မလာတော့မသိဘူး။ သူတို့မှာလည်း အခက်ခဲတချို့ရှိနေလို့ ထုတ်ပြန်ဖို့ခက်နေတာပါ” လို့ တိုက်ခိုက်ခဲ့တဲ့ တော်လှန်ရေးတပ်ဖွဲ့တွေနဲ့ နီးစပ်သူက ဒို့ပြည် ကိုပြောပါတယ်။
အဲဒီတိုက်ခိုက်ခံရမှုမှာ ဘီအေ-၆၃ တလက်၊ ဘီအေ-၆၄ တလက်၊ အမ်အေ-၁၃ တလက် တို့ ပျောက်ဆုံးသွားတယ်လို့ စစ်တပ်ထောက်ခံချန်နယ်တွေက ထုတ်ပြန်ထားပါတယ်။
လက်ရှိမှာတော့ တိုက်ခိုက်ခံရတဲ့နယ်မြေနဲ့တဝိုက်ကို စစ်ကော်မရှင်လက်အောက်ခံ ၃၀ ဦးခန့်နဲ့ စစ်ကြောင်းထိုးလျှက်ရှိတယ်လို့ သိရပါတယ်။
ဒီတိုက်ခိုက်မှုအတွက် တော်လှန်ရေးတပ်ဖွဲ့တွေဘက်က တရားဝင်သတင်းထုတ်ပြန်လာတာ မရှိသေးပါဘူး။
ပြီးခဲ့တဲ့ နိုဝင်ဘာ ၂၂ ရက် ည ၁၁ နာရီခန့်ကလည်း ဇီးကုန်းမြို့ KTV ကို နတ်တလင်းမြို့နယ် နတ်စစ်သည်တပ်ဖွဲ့ နဲ့ ကြို့ပင်ကောက် BTZM အဖွဲ့တို့ပူးပေါင်းပြီး ဝင်ရောက်စီးနင်းတိုက်ခိုက်ခဲ့တာမှာ စစ်ကော်မရှင်လက်အောက်တပ်ဖွဲ့ဝင်(၅) ဦးနဲ့ KTV မှ အမျိုးသမီး(၂) ဦးသေဆုံးခဲ့ပါသေးတယ်။
#ဒို့ပြည်
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
YouTube- https://www.youtube.com/@Doh-Pyaynews ( YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ် )
Website- https://dohpyay.com/
Telegram- t.me/dohpyay
