(BreakingNews)
နိုဝင်ဘာ ၂၆၊ ၂၀၂၅။
ပဲခူးတိုင်းအနောက်ခြမ်း၊ ပြည်မြို့နယ်အကျဉ်းထောင်ကြီးမှာ ရှိနေတဲ့ ပုဒ်မ-၅၀၅ နဲ့ ဖမ်းဆီးထောင်ချချုပ်နှောင်ထားတဲ့ နိုင်ငံရေးအကျဉ်းသူ/သား တွေကို ယနေ့ နိုဝင်ဘာလ ၂၆ ရက်နေ့ ညနေမှာ ရုတ်တရက် လွှတ်ပေးနေတယ်လို့ အကျဉ်းထောင်နဲ့ နီးစပ်သူတွေဆီက သိရပါတယ်။
ယနေ့ ညနေ ၄ နာရီခွဲခန့်ကစတင်ကာ ပြည်အကျဉ်းထောင် မှာ ၅၀၅ နဲ့ အချုပ်ကျနေသူ အမျိုးသား၊ အမျိုးသမီးတွေအပါအဝင် ထောင်ကျပြီးသားဖြစ်တဲ့ ၅၀၅ နိုင်ကျဉ်း တွေ စုစုပေါင်း ၁၀ ဦးထက်မနည်းလွှတ်ပေးနေတာလို့ သိရပါတယ်။
“အသိပေးထားတာဘာမှမရှိပါဘူး။ မိသားစုတွေလည်း မသိသေးဘူး။ ရုတ်တရက်ကြီး လွှတ်ပေးနေတော့ အံ့ဩနေကြတယ်။ အချုပ်နဲ့ အကျ တွေပါတယ်လို့ ကနဦး သိထားပါတယ်။ နာမည်နဲ့ အရည်အတွက်အသေးစိပ်ကိုတော့ မသိရသေးပါဘူး” လို့ အကျဉ်းထောင်နဲ့ နီးစပ်သူတဦးက ဒို့ပြည် ကို သတင်းပေးပါတယ်။
နိုင်ကျဉ်းတွေကို လွှတ်ပေးနေတာ မှန်ကန်မှုရှိပြီး ၅၀၅ တွေချည်းပဲပါဝင်ကာ အခြား နိုင်ငံရေးအကျဉ်းသားတွေတော့ မပါဝင်သေးဘူးလို့ အကျဉ်းထောင်နဲ့ နီးစပ်သူ အခြားတဦးကလည်း ဒို့ပြည် ကို အတည်ပြုပါတယ်။
“လွှတ်ပေးတာဟုတ်ပါတယ်။ အားလုံးပဲအံ့ဩနေကြတယ်။ ဘာမှကိုသတင်းရမထားပါဘူး။ ကျနော်တို့ ထင်တာတော့ ရွေးကောက်ပွဲကြောင့်ပဲလား ဒါမှမဟုတ် တခြားနိုင်ငံတကာရဲ့ အခင်းအကျင်းနဲ့ ဖိအားတွေကြောင့်လားမသိဘူး။ တခြား ကိစ္စလည်း ဖြစ်နိုင်ပါတယ်။ သူတို့ကခန့်မှန်းရခက်နေတယ်” လို့ အကျဉ်းထောင်နဲ့ နီးစပ်သူ နိုင်ငံရေးတက်ကြွလှုပ်ရှားသူအမျိုးသားကလည်း ပြောပါတယ်။
လက်ရှိမှာတော့ လွှတ်ပေးတဲ့ နိုင်ငံရေးအကျဉ်းသား အရည်အတွက် နဲ့ နာမည်အသေးစိပ်ကို သိရဖို့ ဒို့ပြည်က စုံစမ်းနေပြီး ထပ်မံသိရတဲ့ အခြေအနေကို ဆက်လက်ဖော်ပြပေးပါ့မယ်။
#ဒို့ပြည်
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
YouTube- https://www.youtube.com/@Doh-Pyaynews ( YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ် )
Website- https://dohpyay.com/
Telegram- t.me/dohpyay
