နတ္တလင်းမြို့နဲ့ ၅ မိနစ်အကွာမှာရှိတဲ့ စစ်ဆေးရေးဂိတ် တိုက်ခိုက်ခံရ ရဲ ၁ ဦးသေဆုံး

ဆိုင်ကယ်တွေ သိမ်းဆည်းရမိ

နိုဝင်ဘာ ၂၇၊ ၂၀၂၅။

ပဲခူးတိုင်းအနောက်ခြမ်း၊ နတ်တလင်းမြို့နယ်၊ ရှားဖြူကုန်းကျေးရွာ စစ်ကော်မရှင်စစ်ဆေးရေးဂိတ် ကို ယနေ့ နိုဝင်ဘာ ၂၆ ရက်နေ့ နံနက် ၁၀ နာရီကျော်ခန့်က ဝင်ရောက်တိုက်ခိုက်ခဲ့တယ်လို့ တော်လှန်ရေးတပ်ဖွဲ့တွေဆီက သိရပါတယ်။

နတ်တလင်းမြို့နယ်၊ ရှားဖြူကုန်းကျေးရွာလမ်းခွဲအဝင်မှာရှိတဲ့ စစ်ကော်မရှင်ရဲ့ စစ်ဆေးရေးဂိတ်ကို တပ်ခွဲ-၆ ဧရာညီနောင်တပ်ဖွဲ့ နဲ့ နတ္တလင်းမြို့နယ်ပြည်သူ့ကာကွယ်ရေးတပ်ဖွဲ့ တို့က ပူးပေါင်းတိုက်ခိုက်ခဲ့ကြတာဖြစ်ပြီး ရဲတပ်သား(၁) ဦးသေဆုံးကာ (၂) ဦးဒဏ်ရာရခဲ့တယ်လို့ သိရပါတယ်။

“ကျနော်တို့ဘက်က ဆိုင်ကယ်သုံးစီးရဲဘော်ခြောက်ဦး နဲ့ သွားတိုက်တာပါ။ ဂိတ်မှာက ရဲခွေးလေးယောက်နဲ့ ပျူတွေ များတယ်။ သေတာကရဲခွေးသတာပါ။ ကျနော်တို့ တော်လှန်ရေးတပ်ဖွဲ့တွေဘက်က ဘေးကင်းကြပါတယ်” လို့ တပ်ခွဲ-၆ တပ်ခွဲမှူးက ဒို့ပြည် ကိုပြောပါတယ်။

သေဆုံးသွားတဲ့ ရဲတပ်သားရဲ့အလောင်းကိုတော့ သယ်ယူသွားပြီဖြစ်ပြီး စစ်ကော်မရှင်တပ်ဖွဲ့တွေဘက်က ဆိုင်ကယ်(၄) စီး စကားပြောစက်(၁) လုံးကို သိမ်းယူနိုင်ခဲ့တယ်လို့ သိရပါတယ်။

“ပြည်သူတွေကို စကစဂိတ်စခန်းတွေနဲ့သွားလာပတ်သတ်ခြင်းရှောင်ကျဥ်စေချင်ပါတယ်ခင်ဗျ” လို့ တပ်ခွဲ-၆ တပ်ခွဲမှူးက ပြောပါတယ်။

နိုဝင်ဘာလအတွင်း ရက်ခြားဆိုသလို ရန်ကုန်-ပြည်ကားလမ်း ဇီးကုန်း၊ ကြို့ပင်ကောက်၊ နတ်တလင်းမြို့ တို့က စစ်ကော်မရှင်စစ်ဆေးရေးဂိတ်တွေ တိုက်ခိုက်ခံရပြီး စစ်သား၊ ရဲ နဲ့ ပြည်သူ့စစ်တွေ သေဆုံးနေကြပါတယ်။

#ဒို့ပြည်
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
YouTube- https://www.youtube.com/@Doh-Pyaynews ( YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ် )
Website- https://dohpyay.com/
Telegram- t.me/dohpyay