အမှတ်(၅) ကျောင်းသား(၁) ဦး ပေါ်တာဆွဲခံရလို့ ကျောင်းသားကဒ်တွေ လုပ်ခိုင်း
နိုဝင်ဘာ ၂၈၊ ၂၀၂၅။
ပဲခူးတိုင်းအနောက်ခြမ်း၊ ပြည်မြို့မှာ စစ်ကော်မရှင်လူကြီးလမ်းကြောင်း ယာဉ်တန်းထဲ ဆိုင်ကယ်တစီးနဲ့ အရှိန်လွန်ဝင်လာတဲ့ လူငယ်(၃) ဦးကို လုံခြုံရေးတပ်ဖွဲ့တွေက ဖမ်းဆီးသွားတယ်လို့ မျက်မြင်တွေ့ခဲ့သူတွေက ပြောပါတယ်။
နိုဝင်ဘာ ၂၆ ရက် ညနေက ခေတ္တရာမြို့သစ်မှာ ကားအစီး(၃၀) နီးပါးခန့်ပါ လူကြီးလမ်းကြောင်းယာဉ်တန်း ထဲကို လူငယ်(၃) ဦးစီးနင်းလာတဲ့ ဆိုင်ကယ်က အရှိန်လွန်ဝင်ရောက်လာခဲ့တာဖြစ်တယ်လို့ ဆိုပါတယ်။
“လူကြီးလမ်းကြောင်းထဲကို ကောင်လေးတွေက အရှိန်လွန်လာတာ။ သူတို့ကဝစီမှုတ်တားတယ်။ ဆိုင်ကယ်ကလည်း ရပ်တော့ရပ်တာပဲ အရှိန်လွန်လာတော့ ဖမ်းခေါ်သွားတာ” လို့ မြို့ခံက ဒို့ပြည် ကိုပြောပါတယ်။
ဖမ်းဆီးခံရတဲ့ လူငယ်တွေရဲ့ အသေးစိပ်အချက်အလက်တွေကိုတော့ ဒို့ပြည်က စုံစမ်းနေဆဲဖြစ်ပါတယ်။
ပြီးခဲ့တဲ့ နိုဝင်ဘာ ၁၉ ရက်နေ့ကလည်း ခေတ္တရာမြို့သစ် ရှိ အခြေခံပညာအထက်တန်းကျောင်း အမှတ်(၅) က ၁၂ တန်း ကျောင်းသား(၁) ဦး ကို ပြည်သူ့စစ်အဖွဲ့ ကဖမ်းဆီးပြီး ၉၅၉ တပ်ထဲကို ခေါ်ဆောင်သွားတယ်လို့ မြို့ခံတွေဆီက သိရပါတယ်။
“ကျောင်းသားလေးကိုဖမ်းသွားလို့ မိဘတွေကအဲနေ့ကပဲ လိုက်နေကြတယ်။ ကျောင်းက ကျောင်းသားကဒ်လုပ်ရမယ်လို့လည်း ပြောတယ်” လို့ မြို့ခံတဦးက ဒို့ပြည်ကို ပြောပါတယ်။
ကျောင်းသားလူငယ်ဖမ်းဆီးခံရပြီး နောက်တနေ့မှာတော့ ကျောင်းဆရာ/ဆရာမတွေကနေပြီး ကျောင်းသူ၊ ကျောင်းသား အားလုံးကျောင်းသားကဒ်တွေ မဖြစ်မနေလုပ်ကာ ချိတ်ဆွဲလာကြဖို့ လုပ်ဆောင်ခဲ့တယ်လို့ သိရပါတယ်။
အမှတ်(၅) ကျောင်းနဲ့ ၉၅၉ တပ်ဟာ ရထားသံလမ်းတခုသာ ကြားပြီး ကျောင်းအနောက်ပေါက် နဲ့ တိုးလျိုးပေါက် သွားလာလို့ ရတယ်လို့ လည်း ပြောကြပါတယ်။
#ဒို့ပြည်
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
YouTube- https://www.youtube.com/@Doh-Pyaynews ( YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ် )
Website- https://dohpyay.com/
Telegram- t.me/dohpyay
