နိုဝင်ဘာ ၂၈၊ ၂၀၂၅။
ပဲခူးတိုင်းအနောက်ခြမ်း၊ နတ်တလင်းမြို့နယ် ဒမငယ်ကျေးရွာ ရဲစခန်းနဲ့ သစ်ချိုခြံ(အထွက်တိုးစခန်း) တို့ကို တော်လှန်ရေးပူးပေါင်းတပ်တွေက ဝင်ရောက်တိုက်ခိုက်ခဲ့ကြတယ်လို့ သိရပါတယ်။
ယမန်နေ့ နိုဝင်ဘာ ၂၇ ရက်နေ့ ည ၉ နာရီကျော်ခန့်က ဒမငယ်ရဲစခန်း နဲ့ သစ်ချိုခြံအထွက်တိုးစခန်းတို့ကို တပ်ရင်း ၃၈၀၁ တပ်ရင်းရုံး ရဲဘော်တွေနဲ့ တပ်ခွဲတွေဖြစ်တဲ့ ၂၊ ၄၊ ၆၊ ၇ တို့က တပ်ဖွဲ့ဝင်တွေဟာ တပြိုင်တည်းဝင်ရောက်တိုက်ခိုက် ခဲ့တာဖြစ်တယ်လို့ သိရပါတယ်။
“ညကရဲဘော်တွေဝင်ဆော်ကြတာပေါ့သူတို့ရဲ့ စပါးတွေနဲ့ စားဆီဗုံးတွေလည်းတွေ့တယ် မယူခဲ့ဘူး။ စခန်းတွေကိုတော့ မီးရှို့ထားခဲ့တယ်” လို့ တာဝန်ရှိသူတဦးက ပြောပါတယ်။
တိုက်ခိုက်မှုမစတင်ခင်ကတည်းက ပျူစောထီးတွေနဲ့ စစ်ကော်မရှင်တပ်ဖွဲ့တွေဟာ ထွက်ပြေးသွားကြတဲ့အတွက် စခန်းတွေကိုသာ ဝင်စီးပြီးမီးရှို့ခဲ့တယ်လို့ သိရပါတယ်။
ဒမငယ်စခန်းတွေကို မီးရှို့ပြီးအပြန် ည ၁၁ နာရီခွဲခန့်မှာတော့ တောင်ညိုကွက်သစ်ရဲစခန်းကို လက်နက်ကြီးတွေနဲ့ ဝင်ရောက်ပစ်ခတ်တိုက်ခိုက် သေးတယ်လို့ ဆိုပါတယ်။
“အဲဒါပြီးတော့ လူခွဲထုတ်ပြီး တောင်ညိုကိုဝင်ပစ်ခဲ့ကြသေးတယ်။ တော်တော်ပွဲကြမ်းတယ်မရလိုက်ဘူး” လို့ တာဝန်ရှိသူက ဆိုပါတယ်။
ထွက်ပြေးသွားတဲ့ ပျူစောထီးနဲ့ စစ်ကော်မရှင်တပ်ဖွဲ့တွေဟာ မင်းဘူးကျွန်း ပျူစောထီးရွာထဲမှာ ရှိနေပြီး အင်အား(၃၀) ခန့် ရှိမယ်လို့ ခန့်မှန်းမိတဲ့အတွက် ရွာထဲမှာ တပ်စွဲနေတဲ့ နေရာတွေကို လက်နက်ကြီးတွေနဲ့ ဆက်လက်ပစ်ခတ်ခဲ့တယ်လို့ သိရပါတယ်။
တိုက်ခိုက်မှုအပြီး တော်လှန်ရေးတပ်ဖွဲ့တွေဟာ အထိအခိုက်မရှိ ပြန်လည်ဆုတ်ခွါလာနိုင်ခဲ့တယ်လို့ ဆိုပါတယ်။
#ဒို့ပြည်
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
YouTube- https://www.youtube.com/@Doh-Pyaynews ( YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ် )
Website- https://dohpyay.com/
Telegram- t.me/dohpyay
