နိုဝင်ဘာ ၃၀၊ ၂၀၂၅။
ပဲခူးတိုင်းနောက်ခြမ်း၊ ပြည်မြို့နယ် မှာ စစ်တပ်ကပြုလုပ်မဲ့ အတုအယောင်ရွေးကောက်ပွဲကို လက်မခံကြောင်း မြို့ခံပြည်သူလူထုတွေက ကမ်ပန်းပြုလုပ်ခဲ့ကြတယ်လို့ သိရပါတယ်။
အဲဒီကမ်ပိန်းကိုတော့ ယနေ့ နိုဝင်ဘာ ၃၀ ရက်နေ့ မှာ ပြုလုပ်ခဲ့ကြတာဖြစ်ပြီး ပြည်မြို့သားတွေ သွေးမအေး အတုယောင်ရွေးကောက်ပွဲကိုမဲမပေး၊ နိုင်ကျဉ်းတွေက အတုအယောင်ရွေးကောက်ပွဲအတွက် အသုံးချခံမဟုတ်၊ လမ်းမထက်ကသွေးတွေမခြောက် အတုအယောင်ရွေးကောက်ပွဲကိုသပိတ်မှောက်၊ စစ်မှန်တဲ့ ရွေးကောက်ပွဲကို စစ်တပ်မလုပ် စစ်တပ်လုပ်ရင်လည်း စစ်မှန်တဲ့ရွေးကောက်ပွဲမဟုတ်၊ သွေးမအေးကြောင်းငါတို့ပြ အတုအယောင်ရွေးကောက်ပွဲကို ဆန့်ကျင်ကြ၊ စစ်ကျွန်ဘဝလွတ်မြောက်ရေး အတုအယောင်ရွေးကောက်ပွဲကို တိုက်ဖျက်ပေး၊ စတဲ့စာတန်းတွေကိုကိုင်ဆောင်ကာ ဓါတ်ပုံရိုက်ဖြန့်ဝေခဲ့ကြတာပါ။
“ကျနော်တို့ကတော့ လုံးဝလက်မခံနိုင်တဲ့အတိုင်းအတာပေါ့။ ပြည်မြို့သားတယောက်အနေနဲ့ ၂၀၂၀ ကိုဗစ်ကာလကြီးမှာ ခက်ခက်ခဲခဲနဲ့ မဲရုံတွေမှာ မဲပေးခဲ့ကြရတယ်။ NLD ပါတီအနိုင်ရတယ်။ အဲဒါကို စစ်တပ်ကမဲစာရင်းမှားတယ်ဆိုပြီး အာဏာသိမ်းလိုက်တယ်။ စစ်တပ်ကတော့ သူတို့နဲ့ပတ်သက်တဲ့ ကြံ့ခိုင်ရေးပါတီရှုံးနေသမျှကာလပတ်လုံး အကြောင်းအမျိုးမျိူးပြ အာဏာသိမ်းနေအုံးမှာ ဒါကြောင့် ဒီရွေးကောက်ပွဲဟာ ဘယ်လိုမှစစ်မှန်တဲ့ရွေးကောက်ပွဲ မဖြစ်နိုင်ဘူး စစ်ကျွန်စစ်ဖိနပ်အောက်ကို သွတ်သွင်းတဲ့ ရေးကောက်ပွဲဖြစ်ပါတယ်။ ပြည်သူလူထုအနေနဲ့ စစ်တပ်ရဲ့ရွေးကောက်ပွဲကို လုံးဝလုံးဝ ဆန့်ကျင်ကြဖို့ တိုက်တွန်းချင်ပါတယ်။” လို့ ကမ်ပိန်းကို ဦးဆောင်စီစဉ်ခဲ့သူက ဒို့ပြည် ကို ပြောပါတယ်။
ပြည်မြို့နယ်ဟာ စစ်ကော်မရှင်ရဲ့ ထိန်းချုပ်မှုအောက်မှာ အပြည့်အဝရှိနေပြီး စစ်ရေးနဲ့ နိုင်ငံရေးလှုပ်ရှားမှုနည်းပါးနေတဲ့ ဒေသဖြစ်တဲ့အတွက် မြို့နေလူထုတွေ နိုင်ငံရေးအသိနိုးကြားနေဖို့အတွက် ဒီလိုကမ်ပိန်းတွေကို နည်းလမ်းမျိုးစုံနဲ့ အန္တရာယ်ကင်းကင်း ပြုလုပ်နေကြဖို့ကိုလည်း မြို့ခံနိုင်ငံရေးသမားတဦးက မှတ်ချက်ပေးပါတယ်။
ပြည်မြို့နယ်ထဲမှာတော့ ပေါင်းတလည်မြို့က ကြံ့ခိုင်ရေးပါတီဆိုင်းဘုတ် လဲကျတာကို စနောက်မိတဲ့ အသက် ၆၀ အရွယ်အမျိုးသားတဦးကို နိုဝင်ဘာလ ၂၇ ရက်နေ့က ဖမ်းဆီးခံခဲ့ရပါတယ်။
ပြီးခဲ့တဲ့ နိုဝင်ဘာလ ၂၁ ရက်နေ့ကလည်း ပြည်မြို့နယ် ဝက်ထီးကန်နယ်မြေ ကွင်းကြီးအုပ်စုမှာ မဲပေးပုံမဲပေးနည်းသရုပ်ပြပွဲကို ပြည်သူများတက်ရောက်မလာတဲ့အတွက် ကျေးရွာအုပ်ချုပ်ရေးမှူးနဲ့ ရပ်ကျေးစာရေးကို ပြည်မြို့နယ်ထွေ/အုပ် က ထုချလွှာတောင်းခံတဲ့ ဖြစ်စဉ်လည်း ဖြစ်ပွားခဲ့ပါသေးတယ်။
#ဒို့ပြည်
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
YouTube- https://www.youtube.com/@Doh-Pyaynews ( YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ် )
Website- https://dohpyay.com/
Telegram- t.me/dohpyay
