နိုဝင်ဘာ ၂၃၊ ၂၀၂၅။
ပဲခူးတိုင်းအနောက်ခြမ်း၊ ဇီးကုန်းမြို့နယ်၊ ဝက်ကော်တံတား၊ ရွှေရိပ်တည်းခိုခန်း အနီးက KTV မှာ ရောက်ရှိနေကြတဲ့ စစ်ကော်မရှင်အဖွဲ့ လက်အောက်ခံ ရဲ နဲ့ စစ်သား တွေကို လက်နက်ကိုင်တော်လှန်ရေးအင်အားစုအထူးတပ်ဖွဲ့တွေက ပစ်ခတ်တိုက်ခိုက်ခဲ့ကြတယ်လို့ သိရပါတယ်။
ယမန်နေ့ နိုဝင်ဘာ ၂၂ ရက် ည ၁၁ နာရီခန့်က နတ်တလင်းမြို့နယ် နတ်စစ်သည်တပ်ဖွဲ့ နဲ့ ကြို့ပင်ကောက် BTZM အဖွဲ့တို့ပူးပေါင်းပြီး ဝင်ရောက်စီးနင်းတိုက်ခိုက်ခဲ့ ကြတာပါ။
“ကေတီဗီကို သူတို့ညစဉ်လာတယ်လို့ ကျနော်တို့သတင်းရတယ်။ သတင်းပေးလည်းရှိတယ်။ ခုညသွားပြီး ကေတီဗီကို ဝင်ရောက်စီးနင်းတိုက်ခိုက်တာပဲ၊ ရခ၊ စခ ပေါင်း ၇ ယောက်သေဆုံးပါတယ်” လို့ နတ်စစ်သည်တပ်ဖွဲ့ တာဝန်ရှိသူက ဒို့ပြည်ကို ပြောပါတယ်။
တိုက်ခိုက်မှုဟာ ၃ မိနစ်ခန့်သာကြာမြင့်ခဲ့ပြီး စခ နဲ့ ရခ ကားတွေ ရောက်ရှိလာတဲ့အတွက် ပြန်လည်ဆုတ်ခွါခဲ့တယ်လို့ ဆိုပါတယ်။
“ဒီတိုက်ခိုက်တာကို အထူးတပ်ဖွဲ့အနေနဲ့ ရွေးထုတ်ပြီး အင်အား ၁၆ ယောက်နဲ့ သွားတာပါ” ပါလို့ နတ်စစ်သည်တပ်ဖွဲ့ တာဝန်ရှိသူက ပြောပါတယ်။
အဲဒီစီးနင်းမှုမှာ စစ်ကော်မရှင်ဘက်ကနေ G3 တလက်၊ ဘောက် ၅ ခု၊ ကျည် ၈၀၊ အီကွေ့မန့် ၂ ခု၊ ဓါး ၃ လက်၊လက်ထိပ် တခုတို့ကို သိမ်းဆည်းရမိခဲ့တယ်လို့ သိရပါတယ်။
“ပြည်သူတွေအနေနဲ့ ရခ၊ စခ တွေနဲ့ ကင်းကင်းနေကြဖို့ တောင်းပန်ချင်တယ်။” လို့ နတ်စစ်သည်တာဝန်ရှိသူက ပြောပါတယ်။
ဒါ့အပြင် အတုအယောင်ရွေးကောက်ပွဲကိုလည်း မဲမထည့်ဖို့ သတင်းစကားပါးချင်ပြီး မလိုလားအပ်တဲ့ ထိခိုက်မှုတွေ ဖြစ်လာမှာ စိုးရိမ်တယ်လို့ သူက ပြောပါတယ်။
#ဒို့ပြည်
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
YouTube- https://www.youtube.com/@Doh-Pyaynews ( YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ် )
Website- https://dohpyay.com/
Telegram- t.me/dohpyay
