🟥 စစ်တပ်ရွေးကောက်ပွဲကို ပြည်သူအများစု စိတ်မဝင်စား
နိုဝင်ဘာ ၂၃၊ ၂၀၂၅။
ပဲခူးတိုင်းအနောက်ခြမ်း၊ ပြည်မြို့နယ်၊ အတွင်း အာဏာသိမ်းစစ်တပ်ဟာ ရွေးကောက်ပွဲကျင်းပနိုင်ရေး MEVM မဲပေးစက် အသုံးပြုနည်း အသိပညာပေး သရုပ်ပြအစီစဉ်တွေကို ပြုလုပ်နေတာမှာ ယခုလို ဖြစ်ပွားခဲ့တာလို့ ဒေသခံတွေဆီက သိရပါတယ်။
ပြီးခဲ့တဲ့ နိုဝင်ဘာ ၂၁ ရက်နေ့က ပြည်မြို့နယ်၊ ဝက်ထီးကန်နယ်မြေ ကွင်းကြီးကျေးရွာအုပ်စု ကို မဲပေးစက် သရုပ်ပြဖို့ အတွက် လူစုထားရန် ကြိုတင်အကြောင်းကြားခဲ့ပေမဲ့ လူစုမထားတဲ့အတွက် အုပ်စုအုပ်ချုပ်ရေးမှူးဦးစန်းလွင် နဲ့ စာရေး ဦးဇေယျာကျော် တို့ကို ဖြေရှင်းချက်တင်ပြဖို့ မြို့နယ်ထွေအုပ်ရုံးက ညွှန်ကြားချက်ထုတ်ခဲ့တယ်လို့ သိရပါတယ်။
“ခုစစ်ကောင်စီလုပ်မဲ့ရွေးကောက်ပွဲကို ပြည်သူတွေကစိတ်မဝင်စားကြဘူး။ နောက်တခုက ခုလုပ်နေတဲ့အုပ်ချုပ်ရေးမှူးအများစုက မလုပ်ချင်ကြဘူး နှုတ်ထွက်စာတင်လည်း နှုတ်ထွက်ခွင့်မပေးတော့ အကြပ်ရိုက်နေကြတယ်။ ဒီနေ့လည်း ကွင်းကြီးအုပ်ချုပ်ရေးမှူးက ရှောင်နေတာ သူ့အုပ်စုကလူတွေကိုစုမပေးဘူး အဲတာကို ပြည်ထွေအုပ်က ထုချေလွှာတောင်းတယ်လို့သိရတယ်။ ဘယ်လိုတွေဖြစ်မလဲတော့မသိဘူး” လို့ ဒေသခံတဦးက ပြောပါတယ်။
ဝက်ထီးကန်နယ်မြေဟာ ပြည်မြို့နယ် NLD ရဲ့ အောင်မြေအဖြစ်ရှိခဲ့ပြီး ၂၀၁၅၊ ၂၀၂၀ ခုနှစ်တွေမှာ မဲအပြတ်သတ်နဲ့ အနိုင်ရရှိထားတဲ့ နယ်မြေတွေ ဖြစ်တယ်လို့ NLD အောင်နိုင်ရေးလှုပ်ရှားခဲ့သူ ဆီက သိရပါတယ်။
“မဲရုံလုပ်မဲ့အုပ်စုတွေလည်း မဲပေးပုံပေးနည်းပညာပေးလုပ်တယ်။ တအိမ်တယောက် မတက်မနေရပေါ့ ပြည်သူတွေကစိတ်မဝင်စားဘူး။ လာတဲ့အဖွဲ့က မဲစာရင်းကို ပြည်သူတွေကိုအတင်းကြည့်ခိုင်းတယ်။ ပြီးရင် ပြည်သူတွေက မဲစာရင်းကိုစိတ်ပါဝင်စားတယ်ပုံစံမျိုး ဓာတ်ပုံရိုက်သွားကြတယ်။ ကွင်းကြီးအုပ်ချုပ်ရေးမှူးကတော့ လူစုမပေးပဲရှောင်နေလို့ ထုချေလွှာတင်ခိုင်းတယ်လို့သိရတယ်” လို့ ဒေသခံတဦးကလည်း ပြောပါတယ်။
ဖြေရှင်းချက်ကိုတော့ ယနေ့ နိုဝင်ဘာလ ၂၃ ရက်နေ့ အရောက်ဖြေရှင်းတင်ပြဖို့ ဒုတိယမြို့နယ်အုပ်ချုပ်ရေးမှူးရဲနီထွန်း က လက်မှတ်ရေးထိုး ထုတ်ပြန်ထားတာပါ။
ပြည်မြို့နယ်အတွင်း အာဏာသိမ်းစစ်တပ်ရဲ့ ရွေးကောက်ပွဲကျင်းပနိုင်ရေး MEVM မဲပေးစက်နဲ့ စမ်းသပ်မဲပေးသရုပ်ပြအစီစဉ်တွေ အဖွဲ့ခွဲ ပြုလုပ်နေပြီး အဖွဲ့(၆) ပါရှိတယ်လို့ သိရပါတယ်။
အဲဒီ အဖွဲ့(၆) ဖွဲ့ကတော့
အဖွဲ့(၁)
ဦးစံရှိန် ဥက္ကဌ (ရွေးကော်)
ဦးသိန်းဇော် ပညာရေးမှူး (ပညာရေး)
ဦးတင်ဆွေဦး အင်ဂျင်နီယာမှူး (လျှပ်စစ်)
အဖွဲ့၂
ဦးစိုးလွင် အဖွဲ့ဝင် (ရွေးကော်)
ဦးစိုးဝင်းဦးလ/ထဦးစီးမှူး(လဝက)
အဖွဲ့၃
ဦးသန်းဆွေ အဖွဲ့ဝင် (ရွေးကော်)
Drကေခိုင်ဝင်း ဦးစီးဌာနမှူး (ကျန်းဦးစီး)
ဦးအောင်ကိုသန့် ဦးစီးမှူး (ပြန်ဆက်)
အဖွဲ့၄
ဦးနေလွင် အဖွဲ့ဝင် (ရွေးကော်)
ဦးအောင်ဆန်းဝင်း မန်နေဂျာ (စိုက်ပျိုးရေး)
ဦးအောင်ကိုဦး ဥပဒေအရာရှိ (ဥပဒေ)
အဖွဲ့၅
ဦးရဲနီထွန်း ဒုမြို့နယ်(ထွေအုပ်)
ဒေါ်ခင်မိုးရီ လက်/ညွှန် (စာရင်းစစ်)
အဖွဲ့၆
ဦးအောင်ခိုင် အမှုဆောင်အရာရှိ (စည်ပင်)
ဦးကျော်လင်းစိုး ဦးစီးအရာရှိ (မီးသတ်)
တို့ဖြစ်
#ဒို့ပြည်
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
YouTube- https://www.youtube.com/@Doh-Pyaynews ( YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ် )
Website- https://dohpyay.com/
Telegram- t.me/dohpyay
