နိုဝင်ဘာ ၂၅၊ ၂၀၂၅။
မကွေးတိုင်း၊ အောင်လံမြို့နယ်ထဲမှာ ရှိတဲ့ ကျေးရွာဒေသခံတွေကို ယမန်နေ့ နိုဝင်ဘာ ၂၃ ရက် နံနက်ပိုင်းက မလာမနေခေါ်ပြီး အစည်းအဝေးလုပ်ကာ ယခင်ပေးဆောင်နေကြ စစ်မှုထမ်းကြေးငွေ ထပ်ပိုမိုကောက်ခံမယ် ဆိုတာကို အုပ်ချုပ်ရေးမှူးတွေက ပြောဆိုခဲ့တယ်လို့ သိရပါတယ်။
အစည်းအဝေးကိုတော့ အောင်လံမြို့နယ်၊ မြင်းကပိုင်ကျေးရွာအုပ်စု၊ ကျောက်ဆွယ်ကျိုးရွာစာသင်ကျောင်းမှာ ပြုလုပ်ခဲ့တာဖြစ်ပြီး သုံးရွာဆိုင်အုပ်ချုပ်ရေးမှူးဖြစ်တဲ့ ဦးကြည်ရှိန် အမိန့်နဲ့ တက်ရောက်ကျရပြီးနောက် ယခင်ကောက်ယူနေကြ တအိမ်(၅၀၀၀) ကျပ်အစား ယောင်္ကျားလေးရှိတဲ့အိမ်တွေကို (၁၅၀၀၀) ကျပ် ပေးဆောင်ရမယ်လို့ ပြောဆိုခဲ့တာလို့ ဒေသခံတွေက ပြောပါတယ်။
“ဦးကြည်ရှိန်က သုံးရွာဆိုင်အုပ်ချုပ်ရေးမှူးပါ။ စစ်တပ်ကခန့်ထားတဲ့ လက်နက်ကိုင်တဦးပဲ။ သူကမြင်းကပိုင်ရွာမှာနေတာ။ သူ့တပည့်စန်းဝင်းထိုက်ကို ကျောက်ဆွယ်ကျိုးရွာကိုအုပ်ချုပ်ခိုင်းတာ ဒီနေ့အစည်းအဝေးကလည်း အဲရွာမှာလုပ်တယ်။ မိအိုဖအိ နှစ်ယောက်တည်းရှိတဲ့အိမ်တောင်ပဲ ငါးထောင်တောင်းတယ်။” လို့ ဒေသခံတဦးက ပြောပါတယ်။
သုံးရွာဆိုင်အုပ်ချုပ်ရေးထဲမှာ ကျောက်ဆွယ်ကျိုး၊ မြင်းကပိုင်၊ စစ္စပါး ကျေးရွာတို့ ပါဝင်ပြီး ဦးကြည်ရှိန်ဟာ အုပ်ချုပ်ရေးမှူးနေရာကို အောင်လံ မြို့ ခြေမြန်တပ်ရင်း ၇၁ တပ်ရဲ့အကူညီနဲ့ အတင်းအကျပ်ယူဆောင်ထားတာလို့ သိရပါတယ်။
“သားသမီးရှိတဲ့အိမ် ပြည်ပကိုယ်ထွက်နေလဲတောင်းပါတယ်။ လစဥ်တိုင်းပဲ ရပ်ရွာထဲက လူတွေလည်း ကြာလာတော့အဆင်မပြေကျတော့ဘူး ရပ်ရွာထဲက စစ်မှု့ထမ်းဖို့အတွက်လူငယ် ၁၅ ယောက်လောက်ကိုယ် ပေးထားရတယ်။ ကြည်ရှိန်က အာဏာမသိမ်းခင်က ချဲရောင်းနေတဲ့ငမွဲ အခုတိုက်နဲ့နေနိုင်တဲ့အဆင့်ထိဖြစ်နေပြီ” လို့ ဒေသခံက ပြောပါတယ်။
ဦးကြည်ရှိန် နဲ့ စန်းဝင်းထိုက်(ခ) အုပ်ကလေး ကို ရပ်ရွာလူထုအပေါ် အနိုင်ကျင့်နေတဲ့အတွက် တော်လှန်ရေးတပ်ဖွဲ့တွေက သတိပေးစာ ၂ ကြိမ်ပေးပို့ထားပေမဲ့ စစ်တပ်ကိုမကြာခဏခေါ်ကာ ဒေသတွင်းမှာ အနိုင်ကျင့်မှုတွေ လုပ်ဆောင်နေဆဲပဲလို့ ဆိုပါတယ်။
#ဒို့ပြည်
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
YouTube- https://www.youtube.com/@Doh-Pyaynews ( YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ် )
Website- https://dohpyay.com/
Telegram- t.me/dohpyay
