ဒုရဲအုပ်(၁) ဦးနဲ့ ပစ(၄) ဦး သေဆုံးခဲ့တဲ့ ကြို့ပင်ကောက် အနီးကပ်စစ်ဆင်ရေး

(ရုပ်/သံ)

ပဲခူးတိုင်း၊ သာယာဝတီခရိုင်၊ ကြို့ပင်ကောက်မြို့ သဲကုန်းလေးကျီစု စစ်ကော်မရှင်ဂိတ်စခန်းကို မြေအောက်ပြောက်ကျားတပ်ဖွဲ့(အုတ်ဖို) က ရှောင်တခင်ဝင်ရောက်ပစ်ခတ်ခဲ့ပါတယ်။

အဲဒီတိုက်ခိုက်မှုကိတော့ နိုဝင်ဘာလ ၂၃ ရက် နံနက် ၈ နာရီခွဲက ပြုလုပ်ခဲ့တာဖြစ်ပြီး တော်လှန်ရေးတပ်ဖွဲ့ဝင်တွေဟာ ဖောကားနဲ့ ပုန်းကွယ်လိုက်ပါလာကြပြီး မထင်မှတ်ထားချိန်မှာ စစ်ဆေးရေးဂိတ်ကို အနီးကပ်ပစ်ခတ်ခဲ့ကြတာပါ။

ဒီလိုတိုက်ခိုက်ခံခဲ့ရတဲ့အတွက် ဒုရဲအုပ်ကျော်ဇင်ထွန်း၊ နဲ့ ပြည်သူ့စစ်(၄) ဦး သေဆုံးခဲ့ပြီး PDF ရဲဘော်(၁) ဦးလည်း ကျဆုံးခဲ့ရပါတယ်။

တိုက်ခိုက်ခံရမှုအပြီး စစ်ကော်မရှင်လက်အောက်ခံတွေဆီက MA13-၁ လက်၊ G3- ၁ လက်၊ G4 ၁လက်၊ ကျည်ဆံတွေနဲ့ လက်ပစ်ဗုံး ၃ လုံး၊ လက်ထိပ် ၁ ခုတို့ကို သိမ်းဆည်းရမိခဲ့ပါတယ်။

#ဒို့ပြည်
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
YouTube- https://www.youtube.com/@Doh-Pyaynews ( YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ် )
Website- https://dohpyay.com/
Telegram- t.me/dohpyay