နိုဝင်ဘာ ၂၆၊ ၂၀၂၅။
ပဲခူးတိုင်းအနောက်ခြမ်း၊ ပြည်မြို့နယ် နဲ့ ပေါင်းတည်မြို့နယ် အကျဉ်းထောင်တွေက နေတဲ့ ပုဒ်မ-၅၀၅-က နဲ့ ဖမ်းဆီးထောင်ချချုပ်နှောင်ထားတဲ့ နိုင်ငံရေးအကျဉ်းသူ/သား စုစုပေါင်း ၁၅ ဦးကို လွှတ်ပေးခဲ့တယ်လို့ အကျဉ်းထောင်နဲ့ နီးစပ်သူတွေဆီက သိရပါတယ်။
အာဏာသိမ်းစစ်ကော်မရှင်က ပြစ်ဒဏ်လွတ်ငြိမ်းခွင့်အမိန့်နှင့် ရာဇသတ်ကြီးပုဒ်မ (၅၀၅-က) ဖြင့် ကြားနာစစ်ဆေးဆဲ အမှုများကို ပိတ်သိမ်းကြောင်း ယမန်နေ့ နိုဝင်ဘာ ၂၆ ရက်နေ့ ညဦးပိုင်းက ကြေညာပြီးနောက် ယခုလို လွှတ်ပေးခဲ့တာပဲဖြစ်တယ်လို့ သိရပါတယ်။
အဲဒီလိုလွှတ်ပေးရမှာ ပြည်မြို့အကျဉ်းထောင်က ၅၀၅-က နဲ့ အချုပ်ကျနေတဲ့ အမျိုးသား(၁) ဦးနဲ့ အမျိုးသမီး(၁) ဦး အမိန့်ကျခံနေရတဲ့ အမျိုးသား (၆) ဦး စုစုပေါင်း (၈) ဦး ကို လွှတ်ပေးခဲ့တာပဲဖြစ်ပါတယ်။
အလားတူ ပေါင်းတည်အကျဉ်းထောင်ကနေလည်း ၅၀၅-က နဲ့ အမိန့်ကျခံနေရတဲ့ နိုင်ကျဉ်း (၅) ဦး နဲ့ အချုပ်ကျ (၂) ဦး တို့ ကို လွတ်ပေးခဲ့တယ်လို့ မြို့ခံတွေဆီက သိရပါတယ်။
“ခေါင်းစဉ် ကလည်းမဲပေးဖို့တဲ့ ကျန်နေသေးတဲ့လူတွေအတွက် စိတ်မကောင်းဖြစ်ရပါတယ်။ တရားမျှတမှု့မရှိတဲ့လွတ်ငြိမ်းဖြစ်သလို ကျန်ခဲ့တဲ့သူတွေကိုလည်းအမြန်ဆုံးလွှတ်စေချင်ပါတယ်” လို့ ပဲခူးတိုင်းအနောက်ခြမ်းက နိုင်ငံရေးအကျဉ်းသားဟောင်းတဦး က ဒို့ပြည် ကိုပြောပါတယ်။
အခုလိုလွှတ်ပေးတာဟာ စစ်ကော်မရှင်ကကျင်းပဖို့ပြင်ဆင်နေတဲ့ ရွေးကောက်ပွဲအတွက် မဲထည့်ကြဖို့အတွက် ဖြစ်တယ်လို့ ပြန်ကြားရေးဗိုလ်ချုပ်ဇော်မင်းထွန်းက ပြောဆိုထားပါတယ်။
ပုဒ်မ ၅၀၅-က နဲ့ ၇၂၄ ဦး က လွတ်ငြိမ်းခွင့်ရရှိပြီး၊ ၂၃၆၁ ဦး ကိုတော့ ပြစ်ဒဏ်လျှော့ပေါ့သက်သာခွင့် နဲ့ အမှုရင်ဆိုင်ဆဲနဲ့ တိမ်းရှောင်သူ စုစုပေါင်း ၅၅၈၀ ဦးကို အမှုပိတ်သိမ်းပေးလိုက်တယ်လို့ စစ်ကော်မရှင်က ထုတ်ပြန်ပါတယ်။
ဒေသတွင်းအကျဉ်းထောင်တွေဖြစ်တဲ့ သရက်အကျဉ်းထောင်နဲ့ သာယာဝတီအကျဉ်းထောင် တို့က လွတ်ငြိမ်းတွေကိုတော့ ဒို့ပြည် သတင်းဌာနက စုံစမ်းလျှက်ရှိပြီး ဆက်လက်ဖော်ပြပေးပါမယ်။
#ဒို့ပြည်
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
YouTube- https://www.youtube.com/@Doh-Pyaynews ( YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ် )
Website- https://dohpyay.com/
Telegram- t.me/dohpyay
