(သရော်စာ)
နိုဝင်ဘာ ၃၀၊ ၂၀၂၅။
“အမေရိကန်အစိုးရပေါ်လစီကို ဘယ်လိုမြင်လဲ ဆာဇေ”
“အလို ကိုကိုမှတ်ရယ် မေးခွင်းကကြပ်လှပါဘိတော့ကွယ် အာ့ကျကျ”
“မဟုတ်ဘူး ဆာဇေရ၊ အရပ်သားတွေးတွေးပြီးအရပ်သားသား ပြောချလိုက်စမ်းပါ”
“ဘာလဲ ကိုကိုမှတ်က TPS ဆိုတဲ့ဟာရီးနဲ့ပတ်သက်ပြီး အစာမကြေ လေထိုးလေအောင့်ဖြစ်နေတာမှတ်တယ်”
“ဟုတ်ပ ဆာဇေရာ၊ ဟိုဘက်ရက်ထဲကတော့ ကျားဖမ်းမယ် ဆင်ဖမ်းမယ်လုပ်နေပြီး၊အခုကျတော့မှ ခွေးကြည့်ပါအုန်းဗျို့လုပ်နေတာဥစ္စာ”
“အာ့ကျကျ အဲဒီဖြစ်စဥ်ရဲ့နောက်မှာ နက်နဲတဲ့လျို့ဝှက်ချက်ရှိမယ်ထင်ပါတယ် ကိုကိုမှတ်ရယ် ဟဲဟဲ”
“မဟုတ်ဘူး ဆာဇေ၊ ယူအက်အစိုးရပြောပုံက မြီမာပြေကြီးဟာ တည်ငြိမ်အေးမှုရလာပြီဖြစ်တဲ့အတွက်တဲ့လေ”
“ဟုတ်တော့ဟုတ်ပါတယ် မှတ်ကြီးရာ၊ ကမ္ဘာ့ဒီမိုကရေစီခေါင်းကိုင်ဖခင်ကြီးလေး ဘာလေးနဲ့၊ မြီမာပြေကြီးမှာ ဗုံးမိုးတွေ ဂလောက်ရွာနေတာသိသိကြီးဟာကို”
“ရခိုင်ပြည်ထဲမှာကို တစ်လအတွင်း အကြိမ်၄၀ ကျော်ဗုံးကြဲတာတဲ့ ဆာဇေရ။ လူ ၄၀လောက်သေပြီး ၈၀လောက် ဒါဏ်ရာရတယ်တဲ့လေ”
“ငါ့အထင်အရတော့ USA ကအဲသဟာတွေကိုမသိလို့မမြင်လို့တော့ မဟုတ်လောက်ဘူးဟ။ ရှေးလူကြီးတွေပြောသလို ပြောရရင် သူတို့က မျက်စိကြီးနားကြီးတွေလကွာ”
“အေ့လေ သိသိကြီးနဲ့အခုလို အေးချမ်းလာပြီ၊ တင်မောင်လာပြီလုပ်နေတာအတော်နားလည်ရခက်တဲ့ကိစ္စ”
“အံမယ် အဲဒီဂွင်ကိုအပိုင်ရိုက်လိုက်တာက မအလတို့စကမတို့အုပ်စုပဲဟေ့”
“ဘာလဲဆာဇေ၊ ၅၀၅ နိုင်ကျဥ်းတွေလွှတ်တဲ့ကိစ္စနဲ့ အမှုဖွင့်ခံထားရလို့ တိမ်းရှောင်နေသူတွေကိုလွတ်ငြိမ်းပေးမယ့်ဟာလားဗျ”
“အေးလေကွာ၊ AAPPရဲ့ထုတ်ပြန်ချက်ဆိုတာမှာတော့၊ နိူင်ကျဥ်း ၃၀၀၀ ကျော်ဆိုတာဟာမဟုတ်ပါဘူးတဲ့ဟ။ အမှန်တကယ်လွတ်လာတဲ့နိူင်ကျဥ်းက ၇၀၀ လောက်ပဲရှိသတဲ့ဟ”
“ဟုတ်ပ ဆာဇေ။ ကျုပ်အထင်တော့ လွတ်လာတဲ့နိူင်ကျဥ်းမှန်သမျှကို ခံဝန်နဲ့တကွ ကြံ့ဖွတ်ကိုပါတပါတည်း ကြိုတင်မဲထည့်ခိုင်းသလားပဲဗျ”
“ဖြစ်နိူင်တယ် မှတ်ကြီးရေ၊ လတ်တလော မြီမာပြေကိုရောက်နေတဲ့ ဘီလာရုသမ္မတဆိုတဲ့ဟာရီးနဲ့တွေ့ဆုံပွဲမှာ မအလကြီးကပြောသတဲ့ဟ။ အမေဒိကန်က TPS တွေအပါအဝင် ကမ္ဘာ့နိူင်ငံအသီးသီးကိုရောက်နေတဲ့ မြန်မာတွေလည်း ဒီဇင်ဘာမှာကျင်းပမယ့် ရကပ ဆိုတဲ့ဟာရီးကိုမဲထည့်မယ်ဆိုရင် နွေးထွေးစွာကြိုဆိုပါမယ်ဆိုကိုး”
“မအလ တို့မြန်း ဟန်တောင်မဆောင်ဘူးနော်ဆာဇေ။ လာလော့ အဆွေဆိုပြီး ချီးပေနေတဲ့လက်ကြီးနဲ့ ကမ်းနေလိုက်ပုံများ ဟားဟား”
“အေးလကွ အမေရိကန်အစိုးရကြီးက ကောင်းကင်ပေါ်က စွန်တိုက်ပွဲကစားသလိုလျှော့လိုက်တင်းလိုက် လုပ်နေတဲ့ပေါ်လစီမှာ မအလ ကြီးတို့ စကမအုပ်စုကြီးတော့ ကားကနဲဖြစ်တော့မယ် ထင်တယ်”
“အဲဒါကျ ဇော်မဲလုံးကြီးပြောသလို၊ အဲဒီကိစ္စကြီးရဲ့နောက်ကွယ်မှာ ဘာညာပေါ့ ဆာဇေရာ။အာ့ ကျကျ”
“အံမယ် မောင်မှတ်ကြီးတောင်မှ တယ်သရုပ်တူလုပ်တတ်နေပါပကော။ ဟို ဝင်ငွေအနည်းဆုံးဓာတ်ရှင်ကားကြီးကို ရိုက်ကူးထားတဲ့ ဒလိုက်တာ ယေးလုံကလည်း အနားယူတော့မယ်ဆိုတော့ အခက်သား။ နို့မို့ဆို ဓာတ်ရှင်မင်းသားတင်ရိုက်ခိုင်းရသားဟေးဟေး”
“ဘာလဲ ပွဲလန့်တုန်းဖျာခိုး ပေါ်တာဆွဲတာနဲ့တိုး ဆိုတဲ့ဇာတ်ကားလား ဟားဟားဟား”
ရေးသားသူ-ဇေယျတု
#ဒို့ပြည်
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
YouTube- https://www.youtube.com/@Doh-Pyaynews ( YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ် )
Website- https://dohpyay.com/
Telegram- t.me/dohpyay
