ဇွန် ၁၄၊ ၂၀၂၅။
ပဲခူးတိုင်းအနောက်ခြမ်း၊ ပေါင်းတည်မြို့နယ် အပိုင်က ရုပ်ဆိုင်ရွာကို စစ်ကောင်စီက ယနေ့ ဇွန်လ ၁၄ ရက် နံနက်ပိုင်းက မီးရှို့ခဲ့တယ်လို့ ဒေသခံတွေဆီက သိရပါတယ်။
ပေါက်ခါင်းအပိုင် ကျောက်တွင်းရွာက အင်အား(၇၀) ခန့်နဲ့ ထပ်မံစစ်ကူလာတဲ့ အင်အား(၁၂၀) ခန့်ဟာ ပေါင်းတည်မြို့နယ်ထဲကို စစ်ကြောင်းထိုးဝင်ရောက်လာတာဖြစ်ပြီး ရုပ်ဆိုင်ရွာကို ယနေ့ နံနက် ၆ နာရီ ၄၅ မိနစ်ခန့်က မီးရှို့ခဲ့တာလို့ သိရပါတယ်။
“ရုပ်ဆိုင်ရွာကပေါက်ခေါင်းနဲ့ ပေါင်းတည်အစပ်ရွာပေါ့ ရိုးခြေကရွာတွေပါ။ အခုမနက်ပိုင်းမီးရှို့သွားတာပါ။ ဖမ်းခေါ်သွားတာက လူ ၂၀ ကျော်တယ်” လို့ ဒို့ပြည်ရဲ့ စစ်ရေးရင်းမြစ် က ပြောပါတယ်။
မီးရှို့ခံရတဲ့အတွက် နေအိမ် ၂၂ လုံးပျက်စီးဆုံးရှုံးခဲ့ရပြီး ဖမ်းဆီးခံရတဲ့ လူ ၂၀ ရဲ့ အသေးစိပ်အချက်အလက်ကိုတော့ ဒို့ပြည် က ဆက်လက်စုံစမ်းနေဆဲဖြစ်ပါတယ်။
စစ်ကောင်စီစစ်ကြောင်းကတော့ လာရာလမ်းအတိုင်း ကျင်းကန်ကြီးရွာဘက်ကို ထွက်ခွါသွားတယ်လို့ သိရပါတယ်။
စစ်ကောင်စီတပ်ဖွဲ့ဝင်တွေဟာ ပေါက်ခေါင်းမြို့နယ်နဲ့ ပေါင်းတည်အစပ် ရွာတွေကို စစ်ကြောင်းထိုးဝင်ရောက်နေပြီး နေအိမ်မီးရှို့တာ၊ လူတွေကိုပစ်ခတ်သတ်တာနဲ့ ဖမ်းဆီးတာတွေကို ဆက်တိုက်ပြုလုပ်နေပါတယ်။
ပုံစာ-ရုပ်ဆိုင်ရွာ မီးရှို့ခံနေရတာကို အဝေးကမြင်ရစဉ်
#ဒို့ပြည်
ဒီချန်နယ်တွေကလည်း သတင်းနဲ့ ရုပ်သံတွေကို ဖတ်ရှု့နိုင်ပါတယ်။
@Doh-Pyaynews (YouTube ကိုလည်း Subscribe လုပ်ပေးကြဖို့ မေတ္တာရပ်ခံပါတယ်)
Website- https://dohpyay.com/
Telegram- t.me/dohpyay
YouTube- https://www.youtube.com/
Tiktok- https://www.tiktok.com/@dohpyay
#ပဲခူးရိုးမ #ပေါင်းတည် #ရုပ်ဆိုင်ရွာ #စစ်ကောင်စီတပ် #ပေါက်ခေါင်းမြို့နယ် #လူထု #သတိပြုပါ
